Аргентинскиот напаѓач Серхио Агуеро ќе го напушти Манчестер Сити на крајот на сезоната. Според најновите вести од Англија, Аргентинецот ќе стане слободен играч ова лето и наводно е подготвен да го смени тимот.

На „Етихад“ веќе започнале да бараат соодветна замена за нивниот најдобар стрелец во историјата, па не случајно денеска се појавија информации дека „граѓаните“ се подготвени да ја платат откупната клаузула за Халанд од Борусија (Д) и да го направат идеална замена за Агуеро.

Кадена Сер денеска објави дека Агуеро е подготвен да ја напушти Англија и дека неговата желба е кариерата да ја продолжи во Барселона. Каталонците исто така бараат голгетер, а Агуеро се надева дека ќе биде повикан да заигра со неговиот сонародник и пријател Лионел Меси.

sportmedia.mk