Во рамките од 24. коло од шампионатот на Албанија, тимот на Кукс предводен од нашиот интернационалец Агим Ибраими на домашен терен одигра 1:1 против тимот на Аполонија.
Ибраими беше стрелец за својот тим, откако беше прецизен од белата точка во судиското продолжение од првиот дел.
Сепак, Кукс не успеа да освои полн плен затоа што прими гол во 85. минута и мечот заврши 1:1.
Со овој гол, 11 по ред сезонава, Ибраими застана на чело на листата на стрелците во шампионатот на Албанија, што самото по себе кажува дека напаѓачот има уште многу фудбал во него, и дека во моментов се наоѓа во врвна форма.
sportmedia.mk