Денеска во просториите на Фудбалската федерација на Македонија, се одржа состанок на надлежните во ФФМ со претставниците на двата клуба финалисти на Купот, Академија Пандев и Силекс. По пат на ждрепка одлучено е струмичани да бидат во улога на домаќин на финалето, значи официјално се среќаваат Академија Пандев и Силекс на 19 мај на Националната Арена “Тодор Проески“ во Скопје.
Во текот на утрешниот ден надлежните во ФФМ ќе имаат состаноци со МРТВ, потоа со полиција, Кризниот штаб…па дури потоа ќе се знае и сатницата на одигрувањето на големото финале. Само се знае дека мечот ќе се игра послед 17 часот, барем така се планира.
Инаку ова за струмичани ќе биде второ финале во Купот во кое тие ќе атакуваат на вториот трофеј, додека за кратовци тоа ќе биде четврто, прво после 24 години, во кое тие ќе сакаат да дојдат до третиот пехар.
sportmedia.mk