Многу луѓе лошо реагираат на временските промени. Според одредени податоци, дури 40 проценти од луѓето пријавуваат замор, главоболка или несоница, кога времето нагло се менува.

Бидејќи се најавува ненадеен скок, а наскоро пад на температурата во месецот кога се очекува  пролетта, можно е овие проблеми наскоро да мачат многумина.

Сепак, здравата исхрана и вежбањето можат да го олеснат овој период.

Диета
Диетата може значително да влијае на расположението, но и на нервните црева.

Доколку сте чувствителни, препорачливо е да консумирате свежо овошје и зеленчук. Водата позитивно влијае и на нашето тело, бидејќи придонесува за хидратација, што е исклучително важна за организмот. Покрај тоа што нè хидрира, ја регулира телесната температура и ја доведува до оптимална.
Покрај тоа, чаевите се одлични за смирување на нервниот систем и опуштање на телото и мускулите.

Активност и престој во природа
Секоја форма на фитичка активност за половина час на ден ќе го направи организмот постабилен и отпорен на временските промени.

Би било идеално ако го сторите тоа во природа на свеж воздух.

Не е важно дали сте решиле да одите брзо или некоја друга форма на вежбање, активностите во природа ќе ви помогнат да се ослободите од стресот и да се чувствувате подобро, а исто така може да ги намалат шансите да имате главоболка.

Добар сон
Здравиот сон од осум часа е многу важен за нашето тело.

За време на спиењето се лачат супстанции кои го намалуваат нивото на стрес хормони, го регулираат крвниот притисок и ги зајакнуваат сите одбранбени механизми. Важно е да одите во кревет пред полноќ и да спиете осум часа.

Ако страдате од несоница, обидете се да го решите проблемот со вежби за дишење, кои се дефинитивно поздрави од лекови.