- Иван не мисли дека добро ќе ми оди со фолкот, ама затоа татко ми и баба ми би биле најсреќни. Сум размислувала на оваа тема и сигурно ќе снимам нешто, рече Антониа, една од најполарните млади пејачки кај нас и запеа онака на суво една од омилените македонски народни песни. Но шегата на страна од попот не се откажува и вели иако короната малку ги забавила работите таа работи на нов студиски материјал,а три песни веќе се готови. 

И не само што се подготвува за новиот проект и работи во студио, работи и на себе. Доказ за тоа се намалените килограми.

- Имам режим на исхрана месец и половина и веќе сум ослабена 13 кг, вели Антониа, која на новиот албум работи, како што вели, со веќе проверената екипа.

- Короната малку ја забави работата, но нема застанување. Три песни се готови, ќе има два дуета кои верувам дека ќе бидат вистинско изненадување за публиката. Сите песни ќе бидат различни, додава Антониа.