Погледнете што се ви е потребно за да го подготвите сочното пилешко на француски начин…

Состојки:
цело пиле, исечено на парчиња

За маринадата:
½ литар црно вино
поголема главица кромид
2-3 лаврови листа
2-3 гранчиња свеж магдонос
2 поголеми моркови
2 чешниња лук
1 лажица бибер во зрно

Додатоци:
250 грама сланина
250 грама шампињони
разматена коцка за супа во ½ литри вода
100 милилитри коњак
3 лажици маслиново масло
1 лажица брашно

Приготвување:
Во сад ставете ½ литри црно вино, ситно исечкајте кромид и морков на кругови, па додајте лажица бибер во зрно, лавров лист и магдонос. Во така приготвената маринада, маринирајте го пилето исечено на парчиња 24 часа.

Извадете го пилето од маринадата, исцедете го и извадете го и зеленчукот.

Во подлабоко тавче загрејте маслиново масло, испржете го пилешкото од сите страни и прелејте го со коњак. Извадете го пилешкото и во истото масло издинстајте го зеленчукот од маринадата околу 5 минути, па додајте лажица брашно и вратете го пилешкото.

Ситно исечкајте лук и наросете го на пилешкото, прелејте го со маринадата и разматената коцка за супа. Зачинете со сол и бибер и гответе го на тивок оган околу 60 минути.

Половина час пред крајот на готвењето, во длабоко тавче пропржете ги сланината и шампињоните. Додајте ги во пилешкото и загревајте го сето тоа уште 15 минути.

Послужете го со пире од компир и уживајте во традиционалниот рецепт од француската кујна.

Најчитани вести