Рид Хастингс, еден од основачите на Netflix, изјави дека принцот Хари и Меган Маркл биле „продавани“ некое време на сите поголеми компании во забавната индустрија, вклучувајќи ги Disney и Apple, пред да потпишат профитабилен договор со Netflix, за кој тврди дека вреди околу 150 милиони долари.

Хастингс верува дека тоа бил паметен потег на парот, кој го напушти британското кралско семејство оваа пролет, да ги разгледа сите опции пред да се одлучи за Netflix, за што ќе создадат документарни, филмски и телевизиски содржини што ќе бидат информативни и даваат надеж преку продуцентската куќа што ја основаа.

По склучувањето договор со стриминг услугата, Хари отплатил цели 3 милиони долари од даночните обврзници потрошени на реновирање на куќата Фрогмор, куќа на имотот во Виндзор, што им ја дала кралицата Елизабета Втора, ставена во употреба по венчавката во мај 2018 година.

Исклучително вредна компанија

За многумина, тоа е знак на дефинитивно раскинување на врските помеѓу Хари и Меган и Велика Британија.

Netflix моментално вреди 187 милијарди долари, има 193 милиони претплатници во 190 земји и е една од највредните забавни компании во светот.

Договорот вреден 150 милиони долари со Меган и Хари за Нетфликс е капка во океанот, бидејќи годинава ќе потрошат повеќе од 17 милијарди долари за купување и создавање филмски и телевизиски содржини.

Најчитани вести