Во изминатите 24 часа во Хрватска се регистрирани 69 нови случаи на коронавирус, што е нешто помал број отколку во последните денови.

Во моментов има 897 активни случаи. Меѓу нив, 90 пациенти се во болница, од кои пет се на респиратор.

Министерот за здравство, Вили Берош, за РТЛ изјави дека најголем проблем биле семејните собири од каде најмногу се шири вирусот.

„Во моментов имаме евидентирано дека семејните собири се проблем, како што беа ноќните клубови пред десетина дена и потоа презедовме мерки кои дадоа резултати. На маса има многу мерки, ќе ги примениме како и досега во моментот кога мислиме дека е време“, рекол Берош.

Тој додал дека кога сите би се придржувале до мерките – физичка дистанца и одржување хигиена, не би се разговарало за мерки.

извор: Makfax

Најчитани вести