Белгискиот суд на 29 октомври треба да донесе одлука по барањето на Шпанија за екстрадиција на поранешниот премиер на Каталонија, Карлес Пучдемон, под чие раководство се одржа забранетиот референдум за независност во 2017 година, објави белгиското судство.

Пучдемон (56), кој избега во Белгија, вчера одби да се предаде на шпанското судство, кое во понеделникот издаде нова европска потерница за него.

Тој, придружуван од неговиот адвокат, доброволно им се пријави на белгиските власти. По излегувањето од обвинителството во Брисел, рече дека засега останува во Белгија и дека ќе се јавува секојпат кога ќе биде повикан од белгиските власти.

извор: Makfax

Најчитани вести