Апелацискиот суд Скопје денеска одржа седница во врска со жалбата на одбраната на бизнисменот Јордан Камчев да му биде укинат куќниот притвор во случајот „Империја“ на Специјалното јавно обвинителство.

Како што информираат од судот за МИА, одлука на денешната седница не била донесена.

Во случајот „Империја“ кривично се гонат вкупно 13 лица, меѓу кои Сашо Мијалков, Ратка Куноска Камчева, Христина Камчева Стојческа, Лилјана Гајдовска, Владислав Стајковиќ, Дејан Јанев, Ванче Мијалчев и Јованче Тасковски.

Во притвор освен Јордан Камчев се и неговите соработници Ненад Јосифовиќ и Зорица Арсовска, директорот на „Пелагонија“ Цветан Панделески, како и директорот на фирмата „Ексико“ Тодор Мирчевски.

Сите се сомничат за сторени кривични дела злосторничко здружување, оштетување или повластување на доверители, злоупотреба на службената положба и овластување, измама и перење пари и други приноси од казниво дело во периодот од 2002 година до 2013 година.

По правното мислење на Врховниот суд дека СЈО во овој случај нема надлежност за водење истрага, па оттаму ни за барање притвор, се очекува Апелација да постапи по одлуката на Врховниот суд бидејќи и според изјавата на претседателот на Врховен суд Јово Ванглеовски и овој предмет, кога ќе дојде во нивна надлежност - ќе биде укинат.

1

Најчитани вести