Внесете го мирисот на Ориентот во вашата кујна…

Потребно е: 3 компири 200 г спанаќ 1 главица кромид 2 чешниња лук 1/2 страк праз 1 лажиче ким 1 лажиче сол 1 лажица пире од домати 1 лажиче куркума 7-8 лажици масло по потреба вода 2 лажици нишесте

За роти-лепчињата:

300 г + за посипување брашно 3 лажици + за премачкување масло 1 лажиче сол околу 100 мл вода Подготовка:

– Компирот обарете го во солена вода заедно со кимот. Обарете го и спанаќот. Ситно исечкајте ги кромидот, лукот и празот.

– Во тава на рингла ставете 7-8 лажици масло и ставете ја куркумата, а потоа додадете ги сечканите кромид и праз, посолете и пропржете ги и на крај додадете го и лукчето.

– Потоа додадете ги обарените и исцедени компири исечени на поголеми коцки, благо измешајте и сипете малку вода. Поклопете го садот и оставете водата да почне да врие.

– Кога ќе почне водата да врие, додадете ги пирето од домати и спанаќот. Убаво измешајте и по потреба додадете уште малку вода.

– Измешајте го густинот со малку вода и додадете ги во јадењето. Измешајте и тргнете го садот од рингла.

– За роти-лепчињата помешајте го брашното со солта и маслото и додадете вода да добиете хомогена смеса. Замесете меко тесто и оставете го да се одмори 10-тина минути. Потоа тестото премесете го и поделете го на 10 дела. Секој дел расукајте го со сукало во форма на круг.

– Роти-лепчињата печете ги на загреана тефлонска тава. Кога на тестото ќе се направат балончиња, превртете ги од другата страна и премачкајте ги со малку масло. По 3-4 минути лебот е печен.
 

 

Најчитани вести