Некогаш голема надеж на португалскиот фудбал, 31-годишниот Фабио Паим поради дилање дрога завршил во затвор.

Паим бил еден од најталентираните португалски фудбалери. Дури и славниот Кристијано Роналдо во една прилика изјавил дека тој е подобар од него.

„Доколку мислите дека јас сум добар, почеајте да го видите Паим“ - изјавил Роналдо кога од Спортинг преминал во Манчестер Јунајтед.

 

 

Роналдо денес според многумина е најдобар фудбалер на светот, а Паим станал обичен дилер на дрога.

Британското списание „Sun“ пренесува дека Паим и 43-годишната жена заедно биле уапсени затоа што полицијата им ги прислушкувала разговорите на телефон и заклучиле дека станува збор за трговија со дрога. Во текот на претресот во куќата запленети биле 12 грама кокаин и автомобил со марка BMW.

Би можел да има прекрасна кариера

Паим ги поминал сите млади категории за репрезентацијата на Португалија, одиграл 42 натпревари за младата селекција, но никогаш не дебитирал во А тимот. Од Спортинг заминал во Лисабон. Во 2008-та година четири месеци поминал во Челси како позајмица, но не успеал да се наметне на тогашниот тренер. Останал во Спортинг до 2010-та година, а потоа се “селел“ по разни клубови. Играл и во Катар, Луксембург, Малта...

„Кога денес би ми се случило истото би бил трпелив. Во тоа време, бидејќи имав многу слободно време, повеќе се глупирав“ - признал во некое интервју Паим. 

 

извор tocka.com.mk

Најчитани вести