Потегот на премиерот Зоран Заев да се самоименува за министер за финансии е непроверен со меѓународните финансиски институции, кои што не се неважни за развојот на Република Македонија, а професорот Трајко Славески смета дека овој потег нема да наиде на симпатии кај нив.

Славески посочи дека не верува оти за пет месеци Заев ќе успее да ја заживее македонската економија.

Мене сè уште ми е нејасна изјавата на Заев дека министерот за финансии се менува бидејќи 2019 година е година на економијата. Јас не мислам дека, барем за остатокот од 2019 година, ефективно останаа пет месеци, ќе заживее економијата ако премиерот го замени министерот за финансии, рече Славески на Топ тема.

Вицепремиерот за економија се наметна како фронтмен за економските политики, а требаше да биде обратно. Секогаш фронтмен на економските политики во реформски влади е министерот за финансии. Сега да не нагаѓаме за релациите на тие два ресора, затоа што секогаш постои конкуренција, ривалство итн. Така што допрва ќе треба да ја видиме целосната слика. Не сме заинтересирани како јавност и како експерти за персоналните решенија, секој е менлив, туку за последиците по македонската економија, ова ќе има негативни последици по македонската економија, вели Славески.

1

Најчитани вести