,,Одговорноста е голема, но ја прифаќам и како лидер на ЛДП и како политичар. Ќе работиме чесно, со намалување на непотребните трошоци и привилегии, заедно со сите кои имаат идеи, предлози и желба да помогнат во намерата да ги подобриме условите на сите граѓани”, вели лидерот на ЛДП, Горан Милевски кој се наде на новата листа на минситри кои што ги предложи премиерот Зоран Заев.

Милевски вели дека синоќа Централниот одбор на ЛДП, донел одлука да се прифати предлогот на мандатарот Заев, ЛДП да го предводи ресорот локална самоуправа.

,,ЛДП донесе и одлука за министер во овој ресор да ме предложи мене, како претседател на ЛДП и со тоа да даде тежина на ова значајно за нас министерство.Истовремено, Централниот одбор му се заблагодари на досегашниот министер од редовите на ЛДП во Владата, Зоран Шапуриќ за неговиот досегашен успешен ангажман како министер за подобрување на инвестициската клима.Локалната самоуправа од запоставен министерски ресор, ЛДП има намера да го направи еден од најважните ресори во државата”, вели Милевски.

Во соопштението до јавноста се вели дека целта ќе бидат ,,Силни општини, за силна Македонија”, каква што беше заложбата на ЛДП уште пред точно 10 години, кога настапија самостојно на локалните избори во 2009 година под слоганот: ,,Силни општии, силна Македонија”.

,,ЛДП добива огромна задача да ги зголеми ингеренциите и финансиите на локалната самоуправа.Таа можност ќе ја искористиме заедно со одличниот тим кој ќе го изградиме во самото министерство и со поддршка на премиерот и локалната самоуправа.

Драго ни е дека претседателот на Владата, Зоран Заев ги споделува нашите намери и идеи за засилување на локалната самоуправа.Ќе успееме заедно, да ги подобриме услугите на граѓаните на локално ниво, да имаме зголемена децентрализација, да имаме силни општини, да имаме искористени европски фондови,да имаме поурамнотежен регионален развој,да имаме спремна државата за брзо затворање на поглавјето 22 во преговорите со ЕУ, да имаме конечно отворени листи за избор на советници,да имаме рамноправен третман на сите општини.Одговорноста е голема, но ја прифаќам и како лидер на ЛДП и како политичар. Ќе работиме чесно, со намалување на непотребните трошоци и привилегии, заедно со сите кои имаат идеи, предлози и желба да помогнат во намерата да ги подобриме условите на сите граѓани”, истакнува Милевски.

извор: Makfax

36

Најчитани вести