Републиканскиот сенатор од Арканзас, Томас Котон, во средата изјави дека САД можат да победат во војна против Иран со два напада, пренесува „Спутник“.

Одговарајќи на прашањето за можен конфликт, Котон не се двоумеше да одговори потврдно.

„Два напада: првиот напад и последниот напад. Ако Иран воено ги нападне САД или нашите сојузници во регионот, тогаш ќе очекува катастрофален одговор”, тврди тој.

Котон сепак истакна дека не се залага за воена акција против Исламската Република туку дека едноставно објаснува што ќе стори Вашингтон ако ескалира конфликтот.

Оваа изјава доаѓа откако САД минатата недела распоредија група за напади и единица за бомбардирање во Персискиот Залив, а советникот за национална безбедност, Џон Болтон, тврдеше дека секој напад врз американските или сојузничките интереси ќе биде возвратен со непопустлива сила.

Односите меѓу двете земји се во надолна спирала. Извештаите покажуваат дека Пентагон планира да испрати до 120.000 војници во регионот за да го приклешти Техеран.

Исламската република, во меѓувреме, суспендираше дел од своите обврски според нуклеарниот договор од 2015 година, најавувајќи го овој потег токму една година по одлуката на Вашингтон да се повлече од договорот и повторно да ги воведе унилатералните санкции против Иран.

извор: Makfax

18

Најчитани вести