Американската стопанска комора – АмЧам Македонија и асоцијацијата која ги обединува водечките интернет портали, маркетинг агенции и огласувачи, ИАБ Македонија, потпишаа меморандум за соработка во насока на промовирање, развој и континуирана соработка во областа на дигиталното огласување.

Во името на двете асоцијации, меморандумот го потпишаа Дијана Десподов, извршната директорка на АмЧам и Борис Ефтимовски, претседател на ИАБ Македонија - кои се обврзаа дека во рамки на својата примарна дејност и цели, заеднички ќе дејствуваат и меѓусебно ќе соработуваат во интерес на дополнителниот развој на дигиталното огласување на повеќе начини и преку повеќе заеднички проекти.

АмЧам Македонија го поздравува процесот на саморегулација преку етичкиот кодекс на ИАБ Македонија и ги повикува своите членки – компании да го подржат процесот преку поинтензивна соработка со издавачите кои го почитуваат кодексот.

ИАБ Македонија ќе соработува со АмЧам и нејзините членки на истражувачки и промотивни проекти во насока на унапредување на дигиталното огласување во Македонија и поддршка на развојот на дигиталните издавачи од земјава.

Претходно, Македонската асоцијација на новинари (МАН) и МААМ потпишаа сличн договори за соработка со ИАБ.

2

Најчитани вести