Закани по животот упатени кон лидерот на ВМРО-ДПМНЕ, Христијан Мицкоски, но и неговите деца се упатени од лице на социјалните мрежи, а засега без реакција на надлежните.
Лице на социјалната мрежа Фејсбук потпишано како Роберт Типчето кој навел дека е од Струмица, во една од заканите до лидерот на опозицијата му порачува дека ако му била мила фамилијата да седи мирен, во спротивно децата ќе ги најде во ендек како кучиња.
- Една порака до Христијан Мицкоски ако му е мила фамилијата и децата нека седи мирен во спротивно неговите деца ќе завршат во некој ендек како кучијна мувите ке ги плукаат, пишува тој на Фејсбук.
Ова се сериозни закани, за кои веднаш е потребна итна реакција од страна на надлежните, но до овој момент нема информации за реакција од страна на МВР и министерот Оливер Спасовски.
Според Фејсбук профилот на лицето кое ги испраќа заканите може да се забележи дека истиот е симпатизер на владејачката СДСМ и редовно ги споделува и фали премиерот Димитар Ковачевски, но поранешниот премиер Зоран Заев.
Закани до лидерот на ВМРО-ДПМНЕ се упатени и од друг профил на Фејсбук од лице потпишано каако Роберт Тркалај, за кој нејасно е дали станува збор за истиот, но заканите се исти.
Заканите доаѓаат во момент кога лидерот на ВМРО-ДПМНЕ, Христијан Мицкоски во неколку наврати јавно се огласи дека нема намера да се помести ни милиметар од неговите ставови и дека нема да дозволи уставни измени, но и кога изјави дека има големи притисоци за истото.
Она што зачудува, нема ни реакција од одредени невладини и активисти кои во други случаи знаеле да бидат прилично гласни, веднаш да реагираат па дури да се огласат со членови од закони, што е точно прекршено и дури како би гласело обвинението.
Претходно јавноста била сведок како МВР и обвинителството реагирале по закани испратени по социјалните мрежи, па се очекува да не чекаат и за овој случај и што поскоро да го расчистат.
