Само актуелниот лидер на СДСМ Зоран Заев, поднел кандидатура за нов мандат како претседател на партијата, на внатрепартиските избори кои ќе се одржат на 21 март, пренесе „360 Степени“.

Тој вчера до седиштето на партијата поднел кандидатура и програма за новиот мандат.

Право на глас ќе имаат близу 70 илјади члена, кои го обновиле членството во партијата, или се зачлениле во СДСМ.

За внатрепартиските избори е избрана Централна изборна комисија. Претседателка на комисијата е Викторија Аврамоска Мадиќ, потпретседателка Неда Гацова, а члемнови Снежана Калеска Ванчева, Марко Михаилоски и Бранко Георгиевски.