logo
logo
logo

Во Собранието ќе се формира парламентарна група за соработка со парламентот на Грузија

Vecer | 10.05.2021

Во Собранието ќе се формира парламентарна група за соработка со парламентот на Грузија


Претседателот на Собранието, Талат Џафери, денеска, имаше работен ручек со претседателката на Грузија, Саломе Зурабишвили на кој што изразил надеж дека конечно по воспоставувањето на дипломатските односи со Грузија во 2019 година, ќе почнеме еден период на поинтензивна комуникација и политичка соработка на високо ниво.

Како што информираат од кабинетот на Џафери, самата посета на претседателката на Грузија претставува почеток на висока соработка и можност за унапредување и интензивирање на билатералната комуникација на секое поле.

Џафери изразил задоволство за тоа што во Парламентот на Грузија е формирана тричлена парламентарна група за соработка со нашето Собрание и на тоа возвратил дека до крајот на овој месец, и во македонското Собрание ќе се формира парламентарна група за соработка со Парламентот на Грузија.

Претседателот на Собранието го поздравил и денешното потпишување на Спогодбата меѓу Северна Македонија и Грузија за укинување на визите и Меморандумот за соработка во областа на културата меѓу двете министерства за култура.

„Ме радува потпишувањето на овие Спогодби, тоа ќе биде убава можност за подобра комуникација и соработка меѓу двете земји“, нагласил Џафери.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk