logo
logo
logo

(Видео) Силјановска-Давкова: Шокантна е одлуката за разрешување на Пауновски

Vecer | 28.04.2021

(Видео) Силјановска-Давкова: Шокантна е одлуката за разрешување на Пауновски

Пратеничката од ВМРО-ДПМНЕ Гордана Силјановска-Давкова на денешната седница во Собранието го праша премиерот Зоран Заев врз основа на кои членови и од кои закони е разрешен Стојко Пауновски од функцијата директор на Државниот пазарен инспекторат.

[embed]https://www.youtube.com/watch?v=kXZUzytBaKc[/embed]

„Кога зборуваме за државна јавна администрација најчесто ја употребуваме синтагмата “бели крагни”. Администрацијата е костур на државата. Значи не ме шокира тоа што ве подржаа двајцата министри, Николовски и Груби, туку ме шокира консензусот со кој што ја донесовте одлуката, која е директно спротивна на принципот на владеењето на правото, а кој што е основен Копенхагенските критериум. Точно е дека директорот на Државниот пазарен инспекторат е именуван од Владата, кое е исто така лошо решение бидејќи тоа треба да биде преку конкурс, ама ете така е. Меѓутоа апсолутно тој не е подреден на премиерот ниту на министрите. Не постои никаква хиерархија помеѓу државна и јавна администрација. Тој стои на чело на една институција која функционира само врз начелата на стручност и компетентност“, рече Силјановска-Давкова.

Значи, додаде таа, шокантно е 90 проценти од вработените да застанат зад вас како директор, а сите министри да не ве подржуваат.

„Слушнавме дека причина за неговото заминување е пркосот. Пркосот е една од најубавите човечки особини. И директорот на што пркоси, пркоси на кршење на начелото на правото, на кршење на Уставот, на неморалот. Она што е чудно е тоа што во неговата институција 40 отсто од вработените се од албанската националност. Ако продолжи ова вака, тогаш ќе биде неправична и несоодветна застапеност. И тоа не смее да значи клиентелизам. Членот 9 гарантира еднаквост на шансите на сите. Не може занимање да ви биде Турчин, Влав или Македонец или Албанец. Запомнете ова што ви кажувам, како што добивме од ГРЕКО опомена за чудното министерство, така ќе добиеме и за овој случај“, рече Силјановска-Давкова.

Ниту законот го почитувавте, му се обрати таа на премиерот Зоран Заев, ниту Уставот и тоа нема ништо заедничко со владеењето на правото.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk