logo
logo
logo

(Видео) Костадинов: Николоски да одговори за поврзаностa во меѓунардониот скандал „Кавијар димпломатија“

Vecer | 06.04.2021

(Видео) Костадинов: Николоски да одговори за поврзаностa во меѓунардониот скандал „Кавијар димпломатија“


Реномирани европски тинк-тенк организации, германски и домашни медиуми откриваат нов меѓународен скандал, поврзан и со Александар Николовски, пратеник и висок партиски функционер на ВМРО-ДПМНЕ, истакна портпаролот на СДСМ, Костадин Костадинов.

Како што потенцира Костадинов, според објавените наводи, постои огромен коруптивен скандал со дел од пратениците на Парламентарното Собрание на Советот на Европа и нивното политичко делување во Азербејџан.

[embed]https://www.youtube.com/watch?v=qAO38k_v2aI[/embed]

„За да се квалификуваат изборите во Азербејџан како фер и демократски, дел од пратениците добивале пари, накит, скапи теписи, ноќевања во луксузни хотели во Баку и Инстанбул и што ли уште не. Ова особено за пратениците кои биле дел од набљудувачката мисија на изборите во Азербејџан во 2013 и 2015 година, како и на референдумот од 2016 година. Дел од таа мисија, а во еден наврат и шеф на мисијата бил и пратеникот од редовите на ВМРО-ДПМНЕ Александар Николоски“, вели Костадинов.

„Дека ова не се само обични тврдења за наводна корупција, покажува и случајот со колегата на Николоски, италијанскиот пратеник Лука Волонте, кој пред неколку месеци бил осуден на четири години затвор заради примање мито од Азербејџан. Ова почитувани е тежок меѓународен скандал каде директно е вмешан Александар Николоски. Затоа Александар Николоски, потпретседателот на Христијан Мицкоски и негова лева рака, треба да излезе пред јавноста и да се произнесе за овие тврдења. Дали поради овој скандал од страна на одредени европски организации Николовски е наречен „лидер на измамничка набљудувачка мисија“, запраша портпаролот и пратеник од СДСМ, Костадин Костадинов.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk