Министерството за здравство соопшти дека утре во 10 часот изутрина на граничниот премин Табановце ќе пристигне првата пратка на вакцини од Република Србија.

На примопредавањето ќе учествува делегација од Република Србија предводена од претседателот Александар Вучиќ, а негов домаќин ќе биде премиерот Зоран Заев.

Станува збор за првата пратка од 4.000 вакцини од производителот „Фајзер“. Вкупно, од Србија, земјава треба да набави 8.000 вакцини.

Вакцините требаше да пристигнат четвртокот, но поради усогласување на техничката документација настанот се одложи.

makfax.com.mk