Поранешната пратеничка од СДСМ, дел од Шарената револуција и НГО секторот,  Ивана Туфегџиќ на својот ФБ профил остро ја искритикува владата за начинот на кој не се справува со пандемијата на коронавирус и негрижата кон сопствениот народ, како и постојаното ширење невистини за пристигнувањето на вакцините.
– Плаќаш здравствено осигурување за да трчаш за вакцина во друга држава.
Ова денес е државен срам. Граѓаните бараат да спасат жива глава зашто се оставени на цедило од својата држава.
Недостигот на стратегија, инаетот кон другите вакцини поради некаква геостратешка политика, неодговорноста и неорганизираноста на човечките капацитети со кои располагаме придонесе за гнев и бес на луѓето.
А, најмногу од се комуникацијата: “не оваа среда, следниот петок”.
Ни полициски час, ни ништо нема да ги спречи луѓето да одат да си бараат спас.
Гневот и бесот кон сопствената држава ќе остане и ќе расте.
Единствено се надевам со оваа масовна вакцинација во Србија барем докторите кај нас ќе здивнат малку наредниот период, зашто тие се вистинските патриоти, како што се сака сега да се употребува во секој контекст.