logo
logo
logo

Тројца пратеници од владејачкото мнозинство се позитивни на коронавирус

Vecer | 09.03.2021

Тројца пратеници од владејачкото мнозинство се позитивни на коронавирус

Собранието немаше кворум за да го утврди дневниот ред за денешната седница.

Како што истакна претседателот на законодавниот дом, Талат Џафери, тројца пратеници од владејачкото мнозинство се позитивни на коронавирус, па нема да бидат во можност да присуствуваат во салата.

Двајца од нив добиле решение за домашна изолација, додека третиот пратеник има симптоми и ги очекува резултатите од тестирањето за Ковид-19.

Од опозициската ВМРО-ДПМНЕ попладнево реагираа дека Собранието со ова парламентарно мнозинство е нефункционално.

„Циркузот траеше една недела, Заев нема мнозинство за денешната седница во Собранието. Тестирањето на сопствената самодоверба е неуспешна. Собранието со ова парламентарно мнозинство е нефункционално. Заев ја става во заложништво цела држава и нормалното функционирање на институциите само од желба по секоја цена да ја задржи власта“, наведе ВМРО-ДПМНЕ во реакцијата.

Минатата недела Собранието со 62 гласа „за“ изгласа доверба на Владата, со што беше потврдено парламентарното мнозинство. Опозицијата не присуствуваше на гласањето.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk