logo
logo
logo

Тој што учествуваше во Договорот со Бугарија, ВЕЛИ ДЕКА НЕМАМЕ ПРАВНА ГАРАНЦИЈА ДЕКА ОДИМЕ КОН ЕУ

Vecer | 30.01.2023

Тој што учествуваше во Договорот со Бугарија, ВЕЛИ ДЕКА НЕМАМЕ ПРАВНА ГАРАНЦИЈА ДЕКА ОДИМЕ КОН ЕУ

Нас ни треба пред се да избегаме од оваа панична автоцензура, во која ќе треба денот да го започнуваме со извинување кон Софија, Треба да се смириме, да седнеме широко и да видиме како да излеземе од овој чвор. Немаме правна гаранција дека ова воопшто води кон ЕУ, нека влезе некој европски олеснувач да седне со историчарите, ако Бугарија има црно на бело дека сме вештачки, па Берлин и Париз нека дадат свои официјални изјави дека се радуваат дека еден ден македонскиот јазик ќе стане дел од ЕУ, вели поранешниот министер за надворешни работи на Македонија, Никола Димитров за утринска емисија на Телма.

Димитров кој учествуваше во креирањето на Договорот за добрососедство и пријателство со Бугарија додава дека ова со амандманите е врзано со негацијата, да разговараме и за Бугарите во Уставот, но да влезе во сила кога ќе станеме членка во Брисел.

Димитров побара од власта да не се однесува, како што рече, како бугарска провинција и да преземе мерки доколку е потребно во однос на европратеникот Ангел Џамбаски доколку планира провокации на 4 февруари.

- Тоа се територијални претензии и мора да се однесуваме како држава, а не како бугарска провинција и апсолутно целосно легитимно е да преземеме мерки, но се потекнува од првото - да се соочиме дека ќе има проблеми со Бугарија ако се преправааме дека не постојат, искоментира Димитров.

Според него власта не се труди да добие некакви гаранции за тоа со што би завршиле бугарските условувања.

- Нашата власт се однесува неодговорно кон својот народ, бидејќи не се потруди да добие некакви гаранции дека ние имаме некаква цел. Европа не ги испорача своите верувања и ние имаме одговорност спрема нашиот народ, дека имаме пакет што ќе има некаква смисла. Ние сега немаме таков пакет. Почнавме преговори, или не почнавме преговори? Комисијата на историчарите ќе биде услов или нема да биде услов?, прашува тој.

Тој вели дека и кога бил официјално министер, не молчел за овие проблеми.

- Кога немате аргументи, фрлате лично дрва и камења, но да се вратиме на суштината - од Стразбур во дебата со Захариева сите мои настапи биле на овие принципи - еднаш за 11 Октомври во Прилеп кажав дека ако е цената јазикот и македонскиот идентитет - нема ЕУ, тоа го кажав како член на Влада, рече Димитров.

Димитров вели дека не може да разбере зошто одеднаш власта да се откаже од македонските позиции.

- Европската перспектива има три предизвици - Бугарија со оваа амбиција, наместо да ни бидат вистински пријатели они отворено станаа непријатели, второ- неспремноста на политичките партии кои се однесуваат како дуќани со корупција, партизација, клиентелизмот и капацитетот да се спроведуваат европски политики дома. Владата мавта со знамето на ЕУ а дома не оддалечува и третиот предизвик - не само што нема брз воз, туку нема воз а и шините се подизместени.

Имаме неизвесност од ЕУ, неизвесност од бугарска страна и немаме политичка волја од нашите политичари да работат дома. Илузија е дека некој од надвор ќе дојде и дека ќе ги бере нашите гајлчиња, тврди Димитров.

Порача и дека како член на Владата се залагал да се решат и други проблеми, надвор од дипломатијата, но дека како поединец немал доволно моќ и влијание.

- Бев против легализација на дивоградби, на вили од милиони евра во националните паркови, приватизација на надлежности на Царина, повеќето битки ги губев, но бев само случаен политичар -активист без своја парламентарна група, истакна Димитров.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk