Новите протоколи за рестораните за свадби предвидуваат веселба без музика и да траат само до 21 часот. Како што беше речено музика може да има само за првиот танц.
Сепак, музичарите узичарите не се согласуваат со овој предлог. Со ваквиот начин на работа тие се уште се без ангажман. Велат дека музика во живо треба да има, но секако со почитување на здравствените протоколи.
- Свадбата секако ќе има музика, дали ќе пуштат на радио или ќе викнат музичари на црно, секако ќе има музика. Подобро да биде регуларно, одредено и контролирано отколку да е на црно. Свесни сме дека во рестораните не се играат ора, луѓето седат, но поубав е амбиентот кога веќе се полни рестораните, да си има музика на некоја одредена дистанца, велат музичарите за Сител.
Музичарите реагираат и дека поради корона кризата немаат никакви ангажмани ниту прилив на пари.
Вчера претставниците на рестораните за свадби го изготвија новиот протокол за работа. Според него на свадба нема да се игра оро, а танц на почетокот на прославата ќе имаат само младоженците. Исто така нема да има жива музика, а гостите ќе бидат во ограничен број. Задолжително ќе треба да има средства за дезинфекција на сите маси, а персоналот ќе мора да носи маска.
Угостителите и свадбарите најавуваат протести следната недела доколку комисијата не ги прифати нивните барања.
