По вчерашната тешка ноќ кога во Македонија гора над 16 пожари, од Република Србија веднаш беше кажано дека ќе и се помогне на нашата држава во справување со тешката ситуација. Ветувањето беше веднаш исполнето и тоа лично од српскиот министер за полиција Александар Вулин.
Вулин лично дојде во Македонија да испорача помош, односно 4 српски хеликоптери и се ставија на располагање на Македонија за гаснење на пожарите.
Веста ја објави и лидерот на Демократската партија на Србите во Македонија, Иван Стоиљковиќ
„Во Македонија штотуку пристигнаа не само хеликоптерите туку и министерот за внатрешни работи на Република Србија Александар Вулин и српскиот помошник министер за кризни ситуации Лука Чаушиќ. Со македонските официјални органи се разгледуваат можностите како најдобро да ѝ се помогне на Македонија во овие тешки моменти.“ напиша Стоиљковиќ.