Во близина на слаткарницата Палма на „Партизанска“ вечерва се случи сообраќајна несреќа, а во која учествуваа две возила - голф и бе-ем-ве.
Според информациите од теренот, направена е само материјална штета и, за среќа, нема повредени.
Полицијата направи увид на местото на несреќата, а повеќе детали се очекуваат утре, но според очевидци причина е неприлагодената брзина, односно пребрзото возење што е секојдневна слика на оваа скопска сообраќајница.
