Времето викендов и во понеделник за време на празникот „Свети Кирил и Методиј“ ќе биде претежно сончево, додека веќе од вторник се очекува дожд во попладневните часови.

УХМР јави дека времето денеска ќе биде претежно сончево и потопло со слаб до умерен ветер од јужен правец. Минималната температура ќе биде во интервал од 2 до 10, а максималната ќе достигне од 21 до 29 степени.

Во Скопје, претежно сончево и потопло со слаб до умерен ветер од јужен правец. Минималната температура ќе се спушти до 7, а максималната ќе достигне до 27 степени.

До понеделник ќе преовладува претежно сончево со слаб до умерен јужен ветер. Од вторник ќе се зголемуваат условите за појава на пороен дожд и грмежи во попладневните часови, соопшти УХМР.

makfax.com.mk