Кинеската компанија „Синофарм“ го вратила авансот на македонското Министерство за здравство за набавка на 200.000 вакцини. Официјално, од Министерството за здравство на Македонија велат дека се работи на усогласување на документацијата и дека нарачката не е откажана.
Вчерашната информација на опозициската ВМРО-ДПМНЕ за вратениот аванс, денеска се потврди.
Вчера портпаролот на ВМРО-ДПМНЕ Димче Арсовски упати отворено прашање до македонските власти зошто бил вратен авансот за нарачката за кинеските вакцини.
Денеска Министерството за здравство на Македонија информира дека нема никаков проблем, дека нарачката е активна и дека штом се усогласи документацијата, вакцините од Кина ќе пристигнат. Разговорите се во завршна фаза, убедуваат од македонското министерство.
Досега во Македонија се пристигнати само 8.000 вакцини од „Фајзер“, донација од Србија. Наскоро се очекуваат и договорените 100.000 вакцини од рускиот производител „Спутник В“ и одреден број вакцини преку Ковакс механизмот.