Илија Димовски од ВМРО-ДПМНЕ неколку дена пред потпишувањето на Договорот за добрососедство со Бугарија, укажа на сите замки кои се поставени во него за евро интеграцијата на Македонија.
– Примената на овој договор без конструктивните забелешки и предлози кои ние ги дадовме и ги споделивме со Заев, на среден и на долг рок ќе нанесе реални штети на иднината на Македонија. Договорот ќе дава јасна и легална основа соседна Бугарија да го стопира чекорењето на Македонија кон ЕУ на секој наш следен чекор на отворање или затворање поглавја од евентуалните преговори за членство во ЕУ – рече Димовски.
Димовски предупреди дека овие чекори на СДСМ ќе ѝ нанесат непоправливи штети за Македонија.
-Бугарија е наш сосед со кој треба да градиме одлични односи. Нам ни треба договор за иднината, а не за минатото, посочи Димовски.
Оваа изјава е од 26 јули 2017.