Одлуката на Народната банка за зголемување на основната каматна стапка за 0,25 процентни поени е очекувана одлука во дадениот макроекономски амбиент, а пред сè на глобално ниво, но додаваат оти секоја од банките ќе прави проценка и ќе донесе одлука околу евентуалното менување на каматните стапки на кредитите и депозитите, велат од Македонската банкарска асоцијација (МБА) велат дека
Банките и штедилниците ги следат сигналите на монетарната политика, а секоја од банките ќе прави проценка и ќе донесе одлука околу евентуалното менување на каматните стапки на кредитите и депозитите, велат од Македонската банкарска асоцијација (МБА) по најновото зголемување на основната каматна стапка за 0,25 процентни поени.
„Нашите членки, банките и штедилниците, ги следат мерките и сигналите на монетарната политика и секоја од нив, во зависност од своите деловни политики и конкретните околности на пазарот прави проценка и одлука околу евентуално менување на каматните стапки на кредитите и депозитите“, се вели во одговорот од Македонската банкарска асоцијација.
Во секој случај, велат од МБА, во дадениот макроекономски амбиент, пред сè на глобално ниво, ова е очекувана мерка од нашата Централна банка.
Претходно денеска, Народната банка на РСМ соопшти дека по априлското зголемување на основната каматна стапка, сега е направено дополнително зголемување за 0,25 процентни поени, со што таа сега достигна ниво од 1,75 проценти. При донесувањето на ваквата одлука, информираат од Народната банка, биле земени предвид најновите движења кај инфлацијата, којашто и во април забрза, како и влијанието на ваквите остварувања врз инфлациските очекувања.
