logo
logo
logo

СДСМ: Немаме допирни точки со изнесените ставови на Љубчо Георгиевски

Vecer | 28.02.2021

СДСМ: Немаме допирни точки со изнесените ставови на Љубчо Георгиевски

Социјалдемократскиот сојуз на Македонија не се согласува со предлогот што го изнесе експремиерот, Љубчо Георгиевски, за решавање на спорот со Бугарија.

„Нашите ставови се различни од оние на господиниот Георгиевски“, изјави пратеничката од СДСМ, Марија Георгиевска, прашана кој е ставот на партијата за тезите на нивниот коалиционен партнер и дали ове точки се прифатливи за владеачката партија.

Таа рече дека СДСМ останува на своите јасни и веќе кажани позиции околу ова прашање. Партијата е отворена за дијалог и изнаоѓање на решение со Бугарија, меѓутоа, македонскиот јазик и македонскиот идентитет не се тема на разговор.

„Ниту се разговарало, ниту пак, во иднина ќе се разговра за јазикот и идентитетот. Ставовите на господинот Георгиевски се негови лични ставови со којшто ние апсолутно немаме никакви допирни точки“, рече пратеничката.

Георгиевски претходно изнесе план во 5 чекори за решавање на спорот со Бугарија. Тој предложи Македонија да даде гаранции дека нема претензии кон Источна Македонија и нема да го помага македонското малцинство во Бугарија. Понатаму, бугарскиот парламент во декларација да изјави дека под поимот македонска нација и македонски јазик подразбира само нација и јазик кои се формирани после 1944 година. Како четврта точка, Георгиевски се залага за промена на стратегијата на историските комисии, а последно тој предлага македонската страна да ја даде под концесија железничката пруга на бугарските железници со пресметан екстра профит да ја доградат.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk