Жител на Тетово објавил видео на социјалната мрежа Тик-ток, на кое тој вози со 300 километри на час на автопатот кон Гостивар.

Наместо слава што најверојатно ја очекувал, овој 24-годишен тетовец од полицијата добил казна од 400 евра за пребрзо возење.

Како што соопштија од СВР Тетово, 24-годишниот сопственик на „бмв“ со тетовски регистарски ознаки, кој вчера околу 12 часот и 30 минути на автопатот Гостивар-Тетово се движел со брзина од 300 километри на час, е казнет со парична глоба од 400 евра во денарска противвредност.

Воедно ќе му биде и времено одземена возачката дозвола до една година.