Министерството за внатрешни работи санкционира 210 возачи за возење со брзина поголема од дозволената во акциска контрола на територијата на државата споведена изутрината од 05.00 до 08.00 часот.
Како што информираат од МВР, од санкционираните 210, 24 возилa се движелe со брзина над 50 километри на час повеќе од дозволеното, а седум со дури над 70 километри на час повеќе од дозволената брзина.
-Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, стои во соопштението од МВР.
