Започна постапката пред Апелација за случајот „Рекет“, но без поранешната специјална обвинителка Катица Јанева. Таа денеска не дојде на јавната седница во Апелациониот суд за да ја презентира жалбата на пресудата со која беше осудена на казна затвор од 7 години.
Пред почетокот на судењето, судечкиот совет наведе дека поради здравствени причини таа не е во можност да присуствува на јавната седница.
Присутни се само нејзините адвокати: Дељо Кадиев, Ирена Фрчковска,а дел од адвокатскиот тим е и синот на Јанева, Лазе Јанев.
Пред судечкиот совет во апелација, својата жалба денеска ќе ја образложи и Бојан Јовановски кој е осуден на затвор од 9 години.
По разгледување на жалбит на осудените Јанева и Јовановски, Апелациониот суд може да ги потврди или намали казните, или предметот да го врати на повторно судење.
