Приватните превозници најавуваат дека ќе ги тргнат автобусите од раскрсниците и ќе протестираат само пред Град Скопје.
„Бесот се повеќе се фокусира кон главниот виновник за состојбата, а тоа е управата на Град Скопје. Се стеснува кругот и на виделина излегува кој е крив за оваа ситуација и затоа е можно фокусот на протестите и блокадите да биде само пред Град Скопје“, рече Кемал Муриќ, раководител на секторот сообраќај и контола во „Слобода превоз“.
Приватните превозници во сабота ќе имаат координативен состанок на кој ќе се донесе одлука за понатамошното делување.
Тие четврти ден ги блокираат клучните крстосници во Скопје, кај Црвен крст, ТЦ „Мавровка“ и Илинденска кај Влада, и бараат Градот да им го исплати долгот од 1,5 милиони евра.
