Полицијата утрово откри два претоварени автобуси на туристичка агенција од Гостивар кои се движеле кон Охрид.

Според информациите на МВР, утровово 08.10 часот на магистралниот пат Кичево-Охрид, кај село Другово, полициски службеници извршиле контрола во два автобуси на туристичка агенција од Гостивар, управувани од Б.М.(63) и И.И.(51).

При контролата било констатирано дека во автобусите се превезуваат поголем број патници од дозволениот максимум од 75% исполнетост на капацитетот на возилата кои вршат јавен превоз на патници односно не биле почитувани мерките за превоз на патници според здравствените прописи за време на епидемија.

Известен е јавен обвинител и по целосно документирање на случајот ќе биде поднесена соодветна пријава.

makfax.com.mk