Судскиот систем во државата е на стаклени нозе, едноставно граѓаните се помалку и помалку имаат доверба во овој судски систем. Тоа не го говори само опозицијата, туку го говорат меѓународните институции, вели пратеникот на ГРОМ, Љупчо Пренџов за „Утрински брифинг“

„Меѓународните институции за жал во последниве неколку години го оценуваат судскиот систем се понегативно и понегативно. Така беше и на последниот Извештај“, потенцираше Пренџов.

Пренџов посочи дека и Вархеји уште минатата година донесе Извештај во кој што пишуваше нема пора во државата која што не е корумпирана.

„И кога вие имате толку многу корупција, а толку малку луѓе одговараат за таа корупција, тогаш оправдано е граѓаните што имаат негативни оценки за доверба во однос на правосудството и обвинителството“, рече Пренџов.