Почина македонскиот снимател Ѓоко Поповски, Гањо. Легендарниот Гањо е познат по тоа што ги направи првите снимки од скопскиот земјотрес во 1963 година но и човекот на кого му се поклонуваше целата снимателска фела  и еден од ретките кој ги снимаше настаните на доживотниот претседател на Југославија, Јосип Броз Тито

Неговата кариера ја краса бројни признанија и награди, а  Гањо  со децении беше дел од телевизиски редакции и документарни екипи, без чии дела тешко дека денес може да се реконструира дел од видео приказната за Скопје и Македонија.

Кобното утро на 26 јули бил во својот дом, речиси ништо не навестувало на доаѓањето на големата катастрофа и се било мирно и тивко.

Гањо претходниот ден купува десет филмови за неговиот фотоапатрат , незнаејки дека фотографиите од тие филмови ќе го обиколат целиот свет, откако скопјани ќе се разбудат во рушевините во 5 часот и 17 минути, а тој прв ќе ги документира човечките судбини.

Популарниот Гањо беше сведок на неколку војни и природни катастрофи,земјотреси низ светот. Со неговиот фото објектив документирал многу потресни моменти и човечки судбини.