Водата од системите за водоснабдување на селата Елшани и Велестово не е соодветно хемиски третирана и оттаму е забранета за употреба во домаќинствата.
Испитувањата спроведени од Центарот за јавно здавје во Охрид покажале дека водата од тие два системи за водоснабдување не е микробиолошки загадена, но оти истата не е соодветно третирана со дезинфекциско средство. Според Правилникот за безбедност на вода, водата не смее да се употребува за пиење, одржување лична хигиена како и хигиена на раце, се додека таа не се третира со хлорен препарат или е потребно да се преврива 45-50 минути.
И двете населени места имаат сопствени системи за водоснабдување и стопанисуваат со нив, така што на нив останува одговорноста водата да ја третираат со средства за дезинфицирање. Со слични проблеми се соочуваат и уште неколку села од охридскиот регион што имаат изградено сопствени водоводни системи, и се должни истите да ги одржуваат, што не секогаш се прави навремено и на правилен начин што доведува до хемиска неисправност на водата.
