НСДП четвртиот редовен Конгрес на партијата ќе го одржи на 13 мај

НСДП одржа седница на Централниот одбор на која беше донесена одлука четвртиот редовен Конгрес на партијата да се одржи на 13 мај годинава во Скопје. Во насока на спроведување на потребните организациони подготвки на Конгресот, на седницата беше формирано работно тело задолжено за спроведување на сите потребни подготвителни активности за неговото одржување.

Централниот одбор донесе одлука за утврдување на бројот на делегати кои ќе учествуваат на овој редовен Конгрес на партијата и нивниот број изнесува 500. Дополнително, се утврдија постапките и критериумите за избор на делегати, се усвои правилник за регулирање на постапката, начинот и критериумите за кандидирање за Претседател на партијата, членови на Централниот одбор и Надзорниот одбор, кои ќе треба да бидат избрани на Конгресот.

извор: Makfax

Поврзани

Најнови вести

Коментари