На социјалната мрежа „Тик-Ток“ се појави ново видео кое ја згрози македонската јавност – возач со својот автомобил вози во спротивна лента и ја загрозува безбедноста на останатите учесници во сообраќајот.
Безбедноста во сообраќајот во државава е на исклучително ниско ниво, а во недостаток на елементарна општа и сообраќајна култура, голем број на возачи дивеат на улиците, а својот “подвиг” го објавуваат на социјалните мрежи.
Спаваш ли мирно @o_spasovski? pic.twitter.com/B7he0JWKfW
— ОдДругАгол (@pipni_stoj) May 27, 2021
Имено, корисникот на профилот со назив 77shpetim77 има објавено неколку видеа на кои може да се видат низа на флагрантни прекршувања на сообраќајните правила и прописи.
Видеото е објавено на социјалната мрежа „Тик-ток“ на која досега неколку пати беа објавени вакви „предизвици“, кои беа санкционирани. Како ќе постапи сега МВР?
