Изминатите денови Македонија беше погодена од серија земјотреси, а уште два беа регистрирани синоќа со епицентар во мавровското подрачје.

Според податоци на Европско-медитеранскиот сеизмолошки центар, во 22.38 часот се случил земјотрес со магнитуда 3,5 според Рихтер, со епицентар на 21 километар југозападно од Гостивар, на длабочина од 5 километри. Послаб потрес е евидентиран во 15.15 часот, со магнитуда 2,2 според Рихтер, на длабочина од 2 километри.