Црвенковска покрај тоа што е поврзана со Еуростандард исто како Заеви, таа била и функционер на СДСМ долги години, велат од ВМРО-ДПМНЕ во нивното соопштение до јавноста.
- Сопругот на Црвенковска земал кредит во висина од 1.7 милиони евра, со покритие од само 400.000 евра, објавија оштетените штедачи од Еуростандард банка. Тој исто како и Заеви и нивните партнери не го вратил кредитот, стои во соопштението.
Од ВМРО-ДПМНЕ истакнуваат дека Павлина Црвенковска треба да си поднесе оставка, таа нема кредибилитет да оценува судии.
Нејзиниот интегритет е нарушен. Црвенковска нема ниту еден ден судиски стаж, а треба да оценува судии. Каде плови овој брод?! Црвенковска да си поднесе оставка. Никој нема да верува во нејзината непристрасност, и ќе ја девалвира институцијата во целост, се вели во соопштението на ВМРО-ДПМНЕ.