Новиот лидер на СДСМ најверојатно ќе се избира на 12 декември. Одлуката била донесена на вечерашниот Извршен одбор, и истата треба да се најде пред Централниот на гласање.
ТВ24 објави дека ова доаѓа откако по нешто помалку од 3 часа жестока дебата Зоран Заев останал н ставот дека се повлекува.
Пред состанокот Мухамед Зекири изјави дека ќе се расправа за актуелната политичка состојбаи до каде се разговорите со потенцијалните нови коалициски партнери.
Поранешниот градоначалник на Скопје, Петре Шилегов пред почетокот на седницата на ЦО на партијата изјави дека нема да се расправа за оставката на премиерот Зоран Заев, туку, како што рече, треба да разгледаат неколку сериозни позиции кои се однесуваат на формирањето на политичкото мнозинство, влезот на Алтернатива во Владата.
Додека пак, Сања Лукаревска изјави дека седниците се на барање на Заев и на истите секако дека ќе се разговара меѓу другото и за неговата оставка.
