Син на почината жена во гостиварската болница физички нападнал вработена од болницата, а потоа оштетил дел од инвентарот.

Како што беше соопштено во гостиварската Општа болница „Ферид Мурад“, вчера околу 15:00 часот за укажување на лекарска помош била примена И.Р.(78) од гостиварско Сенокосе, која за кратко време починала на Интерното одделение.

Од МВР велат дека според пријавеното, набргу потоа, нејзиниот син Б.Р.(51) физички нападнал вработена во ова одделение, а оштетил и дел од инвентарот.

Увид извршила екипа од Одделението за внатрешни работи Гостивар и се преземаат мерки за расчистување на случајот.