Екипата на „Република“ илезе на терен за да провери дали најавите на владата дека ќе се интензивира изградбата на автопатот Кичево-Охрид почнаа да се реализираат. Ама едно е на муабет, а друго на терен.
А таму се стои во место. Нема работници, по некоја машина „дреме“ на горештината и толку.
Од излез на Ботун до влез во Издеглавје ни трага ни глас од 700- те работници кои треба го градат автопатот Кичево-Охрид. Слична е сликата и низ останатиот реон на Дебарца. Ниту има кран ниту се става асфалт, а пак за спојување на мостови и да не говориме.
Со вакво темпо автопатот нема да биде завршен до 2034, а не до почетокот на 2024 како што гласи новиот рок на Владата.
Да потсетиме се работи за 60 километри автопат, започнат од претходната власт кој веќе требаше да биде готов.