„Или не поучувај, или поучувај со својот живот. Инаку, со зборовите ќе ги повикуваш, а со делата ќе ги бркаш“, ова е цитат на еден од првите средновековни словенски светци, научник, писател и просветител – Климент Охридски.
Денеска, Република Македонија го празнува неговото име и дело. Како еден од најистакнатите ученици и следбеници на сесловенските браќа, светите Кирил и Методиј, тој со отворањето на Охридската книжевна школа, позната и како Прв универзитет на Балканот, остави непроценлив придонес во етаблирањето на словенската култура. Неговото духовно и книжевно дело е трајно врежано во македонското културно наследство, но и во историјата и во традицијата на многу европски земји. Покрај црковните и педагошките дејности, особено учителско-просветителските, Климент развил и богата книжевна дејност. Тој е автор е на многу поучни и пофални зборови. Нека е за многу години денешниот голем празник, велеше пораката на Муцунски