logo
logo
logo

Муцунски: Ваквиот попис е РЕАЛИЗАЦИЈА НА ПОЛИТИЧКИ ЖЕЛБИ

Vecer | 01.03.2021

Муцунски: Ваквиот попис е РЕАЛИЗАЦИЈА НА ПОЛИТИЧКИ ЖЕЛБИ

Се уште немаме вакцинирано ни 2.000 здравствени работници, а во догледно време нема поголем дотур на вакцини, се планира попис кој ќе вклучува повеќе од 25.000 попишувачи кои ќе треба да посетуваат различни домаќинства во нашата држава, вели пратеникот од ВМРО-ДПМНЕ Тимчо Муцунски за „Добро утро, секое утро“ на ТВ Алфа.

Муцински смета дека попис треба да има, но според него дилемата е дали оваа година треба да се спроведе, посочувајќи дека многу земји од регионот ја послушала препораката од Обединетите Нации и го одложиле за следната година.

– Попис ни требаше и лани да спроведеме. Но, дали е оваа годината која што треба да се спроведе пописот или можеме да видиме од праксата од земјите од регионот кои што ја послушаа таа препорака на ОН дека секој треба да размисли да го одложи својот попис за следната година, додаде тој.

Муцински истакна дека методологијата со која што ќе се попишува населението не е по највисоки стандарди, укажувајќи дека тие понудиле електронски попис со кои ќе се елиминираат сите недостатоци на Законот за попис но и на методологијата.

– Самата методологија дозволува да се злоупотребува тој чин на попишување на резидентно населени со тоа што практично некој ако е во посет на вашата лична карта ќе може да ве попише како да сте тука, како да сте резидентно население а вие фактички де факто може и да не сте тука, да сте го оставиле тој документ. Така да има една низа на недоследности на самата методологија кој што нас цело време не упатуваат на тоа дека се работи за операција која има за цел да реализира некои политички желби, рече Муцунски.

Муцунски вели дека ВМРО-ДПМНЕ даде решение и  вели дека оваа методологија не е добра и не е по највисоките стандарди.

- Но, ајде да направиме нешто по највисоките европски стандарди за кое што имаме капацитет, имаме соодветна инфраструктура од областа на информатичката технологија и од којашто сите несомнено ќе може да имаме доверба а тоа е електронски попис и сите овие потенцијални злоупотреби кои што може да се случат, сите овие недоследности кои што може да ги има преку еден ваков Закон, и преку една ваква методологија ќе ги елиминираме со електронскиот попи, рече Муцунски.

Тој додаде дека така ќе се заштедат доста буџетски пари во година која што како што сите гледаме со оваа страшна економска, социјална и пред се здравствена криза на буџетот му се потребни.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk